காளான் பிரியாணி

காளான் பிரியாணி

தேவையான பொருட்கள் :

  1. சீரக சம்பா அரிசி – 500 கிராம் (அல்லது) 2 பெரிய டம்ளர்
  2. பட்டன் காளான் – 1 பாக்கெட்
  3. பெரிய வெங்காயம் – 1
  4. தக்காளி – 2 சிறியது
  5. பச்சை மிளகாய் – 3
  6. தயிர் – 1 டேபிள் ஸ்பூன்
  7. பிரியாணி மசாலா – 2 டீ ஸ்பூன்
  8. மிளகாய் தூள் – 2 டீ ஸ்பூன் (காரத்திற்கேற்ப)
  9. கொத்தமல்லி, புதினா – 1 கையளவு
  10. எலுமிச்சை – 1/2 மூடி
  11. உப்பு – தேவையான அளவு
  12. தண்ணீர் – 4 டம்ளர் (கொதிக்க வைத்தது)

அரைக்க :

  1. சின்ன வெங்காயம் – 10
  2. பூண்டு – 10 பற்கள்
  3. இஞ்சி – 1 விரல் நீள துண்டு

தாளிக்க :

  1. எண்ணெய் – 3 டேபிள் ஸ்பூன்
  2. நெய் – 2 டேபிள் ஸ்பூன்
  3. முந்திரி – 6 (இரண்டாக உடைத்துக் கொள்ளவும்)

செய்முறை :

  • அரிசியைக் களைந்து ஊற வைக்கவும்.
  • காளானை நன்றாகக் கழுவி நான்கு துண்டுகளாக நறுக்கவும்.
  • பெரிய வெங்காயத்தைப் பொடியாக நறுக்கவும்.
  • கொத்தமல்லி, புதினா மற்றும் பச்சை மிளகாயைப் பொடியாக நறுக்கவும்.
  • தக்காளியை சிறிய துண்டுகளாக நறுக்கவும்.
  • சின்ன வெங்காயம், பூண்டு மற்றும் இஞ்சியை சிறிதளவு நீர் மட்டும் சேர்த்து பச்சையாக அரைத்துக் கொள்ளவும்.
  • அடுப்பில் குக்கரை வைத்து எண்ணெய் மற்றும் நெய் சேர்த்து சூடானதும், முந்திரி மற்றும் பொடியாக நறுக்கிய பெரிய வெங்காயம் சேர்த்து நன்கு பொன்னிறமாகும் வரை வதக்கவும்.
  • பிறகு பொடியாக நறுக்கிய கொத்தமல்லி, புதினா மற்றும் பச்சை மிளகாய் சேர்த்து 1 நிமிடம் வதக்கவும்.
  • பிறகு தக்காளி மற்றும் அரைத்த விழுது சேர்க்கவும். பிரியாணி மசாலா, மிளகாய் தூள் மற்றும் தயிர் சேர்த்து நன்றாக எண்ணெய் பிரியும் வரை வதக்கவும்.
  • பிறகு காளானை சேர்த்து தேவையான அளவு உப்பு போடவும். காளானில் விடும் நீர் வற்றும் வரை வதக்கவும்.
  • பிறகு ஊறவைத்த அரிசியை சேர்த்துக் கலக்கி விட்டு, 4 டம்ளர் சூடான தண்ணீர் சேர்க்கவும். 1/2 மூடி எலுமிச்சையைப் பிழிந்து
    சேர்க்கவும். உப்பை சரிபார்த்து, குக்கரை மூடி விசில் போடவும்.
  • சரியாக இரண்டு விசில் மட்டும் விட்டு அடுப்பை அணைக்கவும்.
  • சூடான காளான் பிரியாணி ரெடி. தயிர் பச்சடியுடன் சாப்பிட மிகவும் சுவையாக இருக்கும்.

Related posts