முடி உதிர்தலை தடுக்க இயற்கையாக உதவும் எளிமையான வழிமுறைகள்!

Ayurvedic-Remedies-to-Stop-Hair-Fall

முடி உதிர்தல் பிரச்சனை தானாகவே சில நாட்களில் குணமடைந்துவிட கூடிய பிரச்சனைதான். ஆனால் அது இயல்பான முடி உதிர்தலாக இருக்க வேண்டும்.

பொதுவாக நாள் ஒன்றுக்கு 50 முதல் 100 வரை முடி இழப்பை சந்திப்பது பொதுவானது. சில நேரங்களில் இந்த முடி உதிர்வானது அதிகமாக இருக்க காரணங்கள் இருந்தாலும் அவை எல்லாமே தற்காலிகமானதே. அதிகமான மருந்துகள் எடுத்துகொள்ளும் போது,தைராய்டு பிரச்சனை இருக்கும் போது (தைராய்டு பரிசோதனைக்கு பிறகு மருந்துகள் எடுத்துகொள்வதால் இது கட்டுப்படும்) உச்சந்தலையில் தொற்று, அழுக்கு அதிகமாக இருக்கும் போது, கர்ப்பகாலத்திலும் பிரசவத்துக்கு பின்பும் என இந்த காலகட்டங்களில் முடி உதிர்வு அதிகமாக இருந்தால் அது நாளடைவில் சரியாகிவிடக்கூடும்.

ஆனால் இது தொடர்ந்தால் அது வேறு ஏதோ பிரச்சனைக்குரிய காரணமாக இருக்கலாம். அதை தவிர்த்தால் முடி உதிர்வு நிச்சயம் தடுக்கலாம். இவற்றோடு இயற்கையாக முடி உதிர்தலை கட்டுப்படுத்த வேறு என்ன செய்யலாம் என்று பார்க்கலாம்.

இயற்கையாக மசாஜ்

Hair Fall Tips in Tamil

கூந்தலுக்கு ஆலிவ் எண்ணெய், தேங்காய் எண்ணெய், கடுகு எண்ணெய் என எதை வேண்டுமானாலும் உங்களிடம் இருப்பதை எடுத்துகொள்ளுங்கள். உங்கள் கூந்தலின் தன்மைக்கேற்ப இதை சூடு செய்யுங்கள். இலேசாக சூடு இருக்கும் போது இறக்கி மிதமான சூடு இருக்கும் போது கூந்தல் முழுக்க மசாஜ் செய்யுங்கள்.

உங்கள் கூந்தலுக்காக நீங்களே செய்யும் இந்த மசாஜ்க்கு குறைந்தது 30 முதல் 45 நிமிடங்கள் வரை செலவு செய்யலாம். கூந்தலின் மயிர்க்கால்கள் முதல் நுனிவரை முழுவதுமாக பொறுமையாக தடவி கூந்தல் முழுக்க படர வேண்டும். விரல்களை கொண்டு நன்றாக கூந்தல் இடுக்குகளில் சொரிந்தபடி மென்மையாக அழுத்தத்துடன் தேய்க்கவும்.

கூந்தலுக்கு மசாஜ் செய்த பிறகு கூந்தலை சீப்பு கொண்டு நன்றாக படிய வாரவும். பிறகு தலைக்கு ஹேர் கவர் போட்டு இரண்டு மணி நேரம் கழித்து மைல்டான ஷாம்பு கொண்டு அலசி எடுக்கவும். மாதம் ஒரு முறை முழுமையான இந்த மசாஜ் செய்து வந்தால் கூந்தலுக்கு நிறைவான ஊட்டம் கிடைக்கும். முடி உதிர்வு இருக்காது.

தியானம் பழகுங்கள்

மொட்டைத்தலைக்கும் முழங்காலுக்கும் என்ன சம்பந்தம் என்று கேட்கலாம். ஆனால் உண்மையில் நீங்கள் தியானம் செய்வதன் மூலம் உங்கள் மன அழுத்தம் குறைகிறது. ஏனெனில் முடி உதிர்வுக்கு மூல காரணம் மன அழுத்தமும் மற்றும் பதற்றமும் தான். இதை குறைத்தால் முடி உதிர்வு நிச்சயம் படிப்படியாக குறையும். தினசரி தியானம் பழகினால் ஹார்மோன் சமநிலைப்படும். மனம் அமைதியாகும். மன அழுத்தமும் குறையும். தியானம் உடலுக்கும் கூந்தலுக்கும் அதிக நன்மை கொடுக்கும்.

முடிக்கு அவ்வப்போது போஷாக்கு

Green Tea hair pack

தினசரி முடி பராமரிப்பில் நீங்கள் முடிக்கு போஷாக்கு கொடுக்க வேண்டும். அதிக மெனக்கெடலுடன் கூடிய பராமரிப்பு செய்ய தேவையில்லை. தனியாக நேரம் ஒதுக்கவும் தேவையில்லை.

எப்போதெல்லாம் தலைக்கு குளிக்கிறீர்களோ அதற்கு முன்னதாக க்ரீன் டீ பேக் சூடான நீரில் தோய்த்து இறக்கி குளிரவைத்து கூந்தல் முழுக்க தடவி கொள்ளவும். குறீப்பாக உச்சந்தலை பகுதியில் தடவவும்.

பிறகு ஒரு மணி நேரம் வரை வைத்திருந்து கூந்தலை வழக்கமாக அலசி எடுக்கவும். இது முடி உதிர்தலை தடுக்கும். க்ரீன் டீயில் ஆன் டி ஆக்ஸிடண்ட்கள் உள்ளதால் அது முடி உதிர்தலை தடுத்து முடி வளர்ச்சியை தூண்டும்.

இரவும் காலையும் மிதமான மசாஜ்

Hair massage

முடி வளர்ச்சியை தூண்டினாலே முடி உதிர்வை பெரும்பாலும் தடுத்துவிடலாம். முடி வளர்ச்சியை தூண்ட மயிர்க்கால்களை சுறுசுறுப்பாக்க மிதமான மசாஜ் தேவை. தினமும் காலை மற்றூம் இரவு நேரங்களில் சில நிமிடங்கள் ஒதுக்கி மயிர்க்கால்களில் இலேசாக அழுத்தம் கொடுத்தால் போதும்.

பாதாம் எண்ணெய் அல்லது ஆலிவ் எண்ணெய் இல்லையெனில் சுத்தமான தேங்காயெண்ணெய் ஏதாவது ஒன்றை எடுத்து விரல்களால் தடவி இலேசாக மசாஜ் செய்து அழுத்தமும் கொடுக்கவும். இதனால் தலையில் இரத்த ஓட்டம் சீராகும். மயிர்க்கால்களில் தொற்று நேராது. பொடுகு தீவிரமாகி செதில் உதிர்தல் பிரச்சனை வராது. முடி பலமாவதால் முடி உதிர்வு உண்டாகாது.

முடி உதிர்தல் தீவிரமாக இருந்தால்

Home remedy for hair fall

முடி உதிர்வை தடுக்க மேற்கண்ட நான்கு குறிப்புகளையும் பராமரிப்பது போன்று முடி உதிர்வு இருப்பதாக உணர்ந்தால் சில பராமரிப்புகளையும் தாமதமில்லாமல் மேற்கொள்வது அவசியம்.

பூண்டு சாறு, சாம்பார் வெங்காய சாறு. இஞ்சி சாறு என் ஏதாவது ஒன்றை இரவு நேரத்தில் கூந்தலின் மயிர்க்கால்களில் ஸ்கால்ப் பகுதியில் தடவி விடவும். இது மறுநாள் காலை வரை கூந்தலில் ஊறட்டும். பிறகு காலையில் தலைக்கு குளித்துவிட வேண்டும். வாரத்துக்கு இரண்டு நாட்கள் வரை இந்த பராமரிப்பை மேற்கொள்ளுங்கள். முடி உதிர்வு கட்டுப்படும் வரை இதை செய்து வந்தால் நிச்சயம் பலன் கிடைக்கும்.

Related posts