பொன்னூர் ஆபத்சகாயேஸ்வரர் கோவில்

பொன்னூர் ஆபத்சகாயேஸ்வரர் கோவில்

1500 ஆண்டுகள் பழமையான கோயிலாக இருக்கிறது பொன்னூர் ஆபத்சகாயேஸ்வரர் கோயில் இருக்கிறது. திருநாவுக்கரசர், திருஞானசம்பந்தர் ஆகியோர்களால் பாடல் பெற்ற தலமாக இருக்கிறது.

1500 ஆண்டுகள் பழமையான கோயிலாக இருக்கிறது பொன்னூர் ஆபத்சகாயேஸ்வரர் கோயில் இருக்கிறது. இக்கோயிலின் பிரதான இறைவனான சிவபெருமான் ஆபத்சகாயேஸ்வரர் என்றும், அம்பாள் பெரியநாயகி என்கிற பெயரிலும் அழைக்கப்படுகிறார்கள். திருநாவுக்கரசர், திருஞானசம்பந்தர் ஆகியோர்களால் பாடல் பெற்ற தலமாக இருக்கிறது. முற்காலத்தில் இந்த ஊர் திருஅன்னியூர் என்று அழைக்கப்பட்டது.

கோயில் தல புராணங்களின் படி தாரகன் எனும் அரக்கனை அழிக்க சிவபெருமானின் தவத்தை கலைக்க விரும்பிய தேவர்கள் மன்மதன் உதவியை நாடினர். மன்மதனும் தேவர்களின் சொற்படி சிவனின் தவத்தை கலைத்த போது, சிவனின் நெற்றிக்கண் அக்னியில் மன்மதன் அழிந்து போனான். இதை அறிந்து கலங்கிய மன்மதனின் பத்தினியான ரதி, இத்தலத்தில் தவமிருந்து சிவபெருமானை வணங்க மன்மதனை மீண்டும் உயிர்ப்பித்து அவ்விருவருக்கும் தனது தரிசனத்தை தந்தருளினார்.

இக்கோயிலில் சிவன் சுயம்பு மூர்த்தியாக இருக்கிறார். இந்த தலத்தில் சிவன் அக்னி அம்சத்தில் இருப்பதாக ஐதீகம். அதனால் சிவனுக்கு அக்னிபுரீஸ்வரர் என்கிற ஒரு பெயரும் உண்டு. பங்குனி மாதத்தில் 5 நாட்கள் சூரியனின் ஒளி கதிர்கள் சிவனின் மீது படுவது ஒரு விஷேஷ நிகழ்வாக கருதி வணங்குகிறார்கள். தங்கள் பரம்பரையின் மறைந்த முன்னோர்கள் ஆத்ம சாந்தி பூஜை செய்பவர்கள் இங்கு வந்து இறைவனை வேண்டிக்கொள்கின்றனர்.

ஆடிப்பூரம், ஆவணி மூலம் நட்சத்திர தினத்தில் திருமண தடை உள்ள பெண்கள் இங்கு அம்பாளுக்கு வளையல் சாற்றி வழிபாடு செய்கின்றனர். இதனால் அவர்களுக்கு விரைவில் திருமணம் நடப்பதாக கூறப்படுகிறது. இங்கு ரெட்டை தட்சிணாமூர்த்தி சந்நிதி இருக்கிறது. இந்த தட்சிணாமூர்த்தியை வணங்குவதால் குழந்தைகள் கல்வி, கலைகளில் சிறப்பதாக கூறுகிறார்கள். பெண்கள் தங்கள் எப்போதும் தீர்க்க சுமங்கலியாக இருக்க இங்கு வந்து வழிபடுகின்றனர். வேண்டுதல் நிறைவேறிய பக்தர்கள் ஸ்வாமிக்கு அபிஷேகம் செய்து, வஸ்திரம் சாற்றி, தயிர் சாதம் படைத்து தங்களின் வேண்டுதலை நிறைவேற்றுகின்றனர்.

இத்தலத்து இறைவி பெரியநாயகி. பெண்களின் மனம் கவர்ந்த நாயகி. பெண்களின் குறைகளை தீர்த்து வைப்பதில் நிகரற்றவள் என பக்தர்கள் கூறுகின்றனர். குழந்தை இல்லாத பெண்கள் இத்தலத்து இறைவியிடம் வந்து மனமுருக வேண்டி, ஆராதனை செய்துவிட்டு செல்கின்றனர். அடுத்த ஆண்டே அவர்களுக்கு குழந்தைபேறு கிட்டுகிறது என்கின்றனர் பக்தர்கள்.

தங்களது குழந்தைகளுடன், மீண்டும் வரும் பெண்கள், இறைவிக்கு கைநிறைய வளையல்களைக் கொண்டு வந்து, அதை இறைவிக்கு அணிவித்து நன்றி தெரிவித்து வழிபட்டு செல்கின்றனர். அவர்கள் மனமும் மகிழ்வில் நிறைகிறது.

கோயில் அமைவிடம்

அருள்மிகு ஆபத்சகாயேஸ்வரர் திருக்கோயில் நாகப்பட்டினம் மாவட்டம் மயிலாடுதுறை வட்டத்தில் இருக்கும் பொன்னூர் என்கிற ஊரில் அமைந்துள்ளது.

கோயில் நடை திறப்பு

காலை 7 மணி முதல் காலை 10 மணி வரையிலும், மாலை 5 மணி முதல் இரவு 7 மணி வரையிலும் கோயில் நடை திறந்திருக்கும்.

கோயில் முகவரி

அருள்மிகு ஆபத்சகாயேஸ்வரர் திருக்கோயில்
பொன்னூர் மயிலாடுதுறை வட்டம்
நாகப்பட்டினம் மாவட்டம்  609203

How do I strengthen my guru?

  1. Do some charity: Donate Saffron or turmeric, chana dal and yellow clothe to poor people on Thursday to strengthen weak Jupiter in horoscope.
  2. Do Fasting: Keep fast On Thursdays, refrain taking any salt in fast to gain maximum benefit. …
  3. Perform Pooja: Rudrabhishekam to please brihaspati graha.

Related posts